Is-sensiela popolari JACKPOT 4 tkompli bit-tielet episodju mit-tieni staġun. Din il-ġimgħa naraw kif l-istorja ser tkompli tiftaħ f’dimensjonijiet differenti.
John, ix-xufier tal-Prim Ministru, issa li reġa’ tilef sittin elf ewro oħra u b’kollox għandu mija u għoxrin elf ewro dejn, ma jafx fejn ser jaqbad jgħati rasu u jinsab litteralment dahru mal-hajt. John, li fil-verita’ huwa bniedem sew, mar kontra l-prinċipji tiegħu u aċċetta li jkun parti minn komplot fi qtil.
Il-vizzju tal-logħob ġab lil John f’kantuniera waħdu u f’għajnejh l-unika soluzzjoni li qed jara m’hi xejn ħlief li joqtol lil ex-mara ta’ Bastjan u bil-ħlas għal dan id-delitt jaqta’ d-dejn tiegħu.
Fit-tielet episodju ser naraw ħafna aktar minn dak li qed taħsbu! John ser imur jesegwixxi l-ordnijiet li għandu m’għand Bastjan u l-Gijża? u fl-aħħar mill-aħħar ser jimxi kollox ħarir kif ippjanat jew le? l-inkwiet għal John għadu biss fil-bidu tiegħu, jew?
Segwi t-trailer tat-tielet episodju ta’ JACKPOT 4, li se jixxandar l-Erbgħa 14 ta’ Frar fit-8:35pm, esklussivament fuq ONE
