Għalliema tal-iskola sekondarja tal-Imrieħel fi ħdan il-Kulleġġ Santa Tereża għamlu filmat li fih waslu messaġġ pożittiv filwaqt li wrew kif qed iħossu n-nuqqas tal-istudenti.
Bl-iskejjel magħluqin u dawn l-għalliema mhux mistennija jaraw l-istudenti qabel is-sena skolastika li jmiss, numru ta’ għalliema ċċaqalqu u għamlu żewġ passi mal-kanzunetta tal-film Amerikan ‘Grease’.
Dan il-filmat intlaqa’ ferm tajjeb u l-istudenti ma qagħdux lura milli jgħaddu xi kumpliment fuq it-talenti moħbija taż-żfin tal-għalliema.
