Is-Sibt 22 t’April, ONE ser ikun qed iwassal edizzjoni speċjali tal-programm popolari L-ARGUMENT fl-okkażżjoni tar-rebħ tad-disa’ kampjonat fl-istorja ta’ Hamrun Spartans FC.
Hamrun Spartans ser ikunu qed jilgħabu l-aħħar partita tagħhom matul dan l-istaġun is-Sibt 22 t’April kontra Gudja United bil-preżentazzjoni tat-trofew ta’ ċampjins għal istaġun 2022 / 2023 isir eżattament mat-tmiem il-partita.
ONE ser ikun dirett mill-Ħamrun stess mis-6pm ‘l quddiem hekk kif mistennija ċelebrazzjonijiet kbar mill-partitarji, diriġenti u plejers tal-istess Ħamrun.
Matul dan il-programm u xandira speċjali filwaqt li ser tixxandar l-atmosfera festiva mit-toroq tal-Ħamrun, ser ikunu qegħdin jagħtu r-reazzjoni tagħhom għal dan is-suċċess dawk kollha li b’xi mod kienu nvoluti biex wasal dan it-tragward fosthom il-President flimkien mal-kumitat kollu ta’ Ħamrun, il-plejers u l-istaff tekniku, il-klabb tas-supporters u fergħat oħra f’ħdan l-istess klabb.
L-Argument, bi produzzjoni u b’preżentazzjoni ta’ Clinton Buhagiar, fl-okkażżjoni tar-rebħ tad-disa’ kampjonat ta’ Hamrun Spartans, dirett mill-Ħamrun, is-Sibt 22 t’April fuq ONE
