Waqt l-aħħar episodju ta’ ”Iċ-Ċavetta ta’ Pandora” se naraw mara tikkuntatja lill-programm għax binha jsostni li jkollu “ħbieb immaġinarji”. L-investigaturi paranormali Kylie u Vincent iridu jiskopru jekk dawn il-“ħbieb immaġinarji” humiex frott l-immaġinazzjoni tal-ġuvni, jew inkella jekk humiex spirti. Sadattant Lorry, missier Kylie li jkun miet ħabta u sabta ftit qabel, jikkuntatja lil bintu b’messaġġ li jista’ jbiddel ħajjet kulħadd.
Jieħdu sehem Claire Marie Busuttil, Clayton Pace, Ruth Frendo, Patrick Tanti, Henry Zammit Cordina, Ishmael Galea, Gabriel Borg, Sandra Gauci u Antida Borg. B’kitba u direzzjoni ta’ Ruth Frendo, il-produzzjoni hi ta’ Pro.Motion Limited. Dan il-proġett hu megħjun mill-Kunsill Malti għall-Arti.
