Storja bbażata fuq missier refuġjat fuq il-baħar li qed jara lill-martu u t-tifla jgħerqu u nies fuq ix-xatt qed jgħajtu biex imorru lura hija t-traġitt umanitarju u artistiku li wieħed jista’ jistenna mill-opra Maltina ‘Aħna Refuġjati’. Is-siparju fuq din l-opera se jitla’ nhar il-Ġimgħa li ġej fuq il-Fosos tal-Furjana, u hija parti mill-programm kulturali ta’ Vallett 2018.Minkejja l-messaġġ edukattiv u ta’ kompassjoni li tipprova tgħaddi l-opra, din irċiviet kritika negattiva mill-pubbliku minħabba l-kunċett tal-immigrazzjoni.
