Nhar il-Ħamis, 11 ta’ Jannar 2024 jibda t-tielet staġun ta’ BRILLANTI, din is-sena bit-tema tal-Musicals. Bħal kull staġun, BRILLANTI jinvesti f’ġurija professjonali u internazzjonali.
Il-Ġurija ta’ din is-sena
Marco Stabile artist Taljan popolari kemm fil-kamp teatrali, fil-kamp televiziv kif ukoll fil-kamp taċ-ċinema Taljana. Ħafna jiftakruh mill-programm televiziv Dominca In ma’ Pippo Baudo. Marco ħadem ukoll ma’ artisti kbar bħal Claudio Baglioni u Renato Zero. Ħa sehem f’diversi produzzjonijiet għaċ-ċinema Taljana kif ukoll kien protagoinista fil-fuq minn 20 musical differenti fosthom Kinky Boots u Jersey Boys, kemm fl-ltalia kif ukoll fi Franza. Aktar tard din is-sena ser ikun qiegħed f’tour madwar l-Italja kollha fil-musical Dracula fil-karattru ta’ Jonathan Harker.
Il-meraviljuza Marina Maniglio – artista Taljana li kisbet fama kbira fil-Ġermanja. Illum meqjusa bħala waħda mill-akbar artisti fil-qasam tal-musicals f’pajjiż b’ esperjenza ta’ ‘l fuq minn 15-il sena. Ir-repertorju tagħha huwa wieħed impressjonanti bi prestazzjonijiet impekkabli f’musicals kbar bħal Beauty and the Beast , Sister Act, Saturday Night Fever, Grease, Mamma Mia, The Bodyguard, We will Rock You. Preżentement hija tħaddan ir-rwol prinċipali ta’ Satin fil-musical li rebah 10 Grammy Awards – Moulan Rouge.
U Chairperson tal-ġurija mhu ħadd ħlief Charles Brunton – isem rinomat fix-xena tal-West End f’Londra kif ukoll Broadway fl-Amerika. Għamel id-debut tiegħu fil-Musical Nine ġewwa r-Royal Albert hall. Kien parti mill-kast oriġinali tal-Musical Oliver, Rocky Horror Show, fil-musical ta’ Disney, Bedknobs and Broomsticks u l-musical ta’ Andrew Lloyd Webber Love Never Dies, is-sequel ta’ Phanthom of the Opera. Forsi l-aktar rwol li jibqa sinonimu għalih ikun, il-lead role ta’ Miss Trunchbull fil-musical Matilda, parti li beda jaħdem fil-West End u li wara ntalab biex jinterpreta l-istess karattru gewwa Broadway l-Amerika. Għamel 3 tours internazzjonali kif ukoll ħadem il-parti ta’ Mark fil-film A Call to Spy ġewwa Hollywood- artist ta’ fama internazzjonali li kelma jgħidielek kif iħossha iżda b’tant ħlewwa u umanita!
BRILLANTI MUSICALS jibda jixxandar mill-Ħamis 11 ta’ Jannar fuq ONE
