Owen Leuellen għadu kemm nieda l-ewwel kanzunetta tiegħu bl-isem ta’ ‘My Time’.
Leuellen li kiseb poplarità kbira wara li kklassifika fit-Tieni post fl-ewwel edizzjoni ta’ X Factor.
Bosta ammiraturi ta’ Leuellen ilhom ħafna jistennew din il-kanzunetta. Din il-kanzunetta żgur li mhux se jkun l-aħħar proġett tal-kantant. Dan għaliex fi żmien li ġej hu mistenni jniedi album.
Il-kanzunetta ‘My Time’ tittratta s-suċċess u l-impenn ta’ Leullen li tant stinka sabiex jħalli impatt fl-industrija mużikali.
Il-messaġġ ewlieni tal-kanzunetta huwa li jekk wieħed jistinka u jagħmel l-almu kollu tiegħu, jirnexxielu jasal għal dak li jixtieq.
Steve Levi Vella dderiġa l-vidjow mużikali.
