ARA: Il-komunità Maltija fl-Awstralja tiċċelebra l-festa ta’ Santa Liena

Matul tmiem il-ġimgħa li għadda, il-komunità Maltija fl-Awstralja wkoll iċċelebrat il-festa ta’ Santa Liena Imperatriċi Awgusta.

Filmati fuq il-mezzi soċjali wrew diversi Maltin tal-Awstralja magħqudin ikantaw marċi popolari miktuba minn surmastrijiet Maltin. Dan anke sar permezz ta’ bandisti ta’ kull età li taw sehemhom qatigħ biex dawk li kienu preżenti jitpaxxew mal-ħoss tradizzjonali tal-festi Maltin, waqt li jxejru bnadar ħomor u sofor, sinonimi ma’ Birkirkara, u taż-żewġ baned Karkariżi.

Din il-festa ġiet eżattament ġimgħa wara li l-lokalità ta’ Birkirkara ċċelebrat b’pompa kbira l-festa tal-patruna tagħha.