Il-kast ta’ Moulin Rouge minn Londra awgura lill-parteċipanti li qed jieħdu sehem fl-edizzjoni ta’ Brillanti Musicals li tixxandar esklussivament fuq ONE kull nhar ta’ Ħamis fit-8:35pm
Segwi dan l-awgurju f’dan il-filmat:
Intant, wara s-suċċess tal-awdizzjonijiet ta’ BRILLANTI MUSICALS, issa jmiss stadju ieħor eċitanti fejn il-ħamsa u għoxrin kwarti tal-finalisti ser ikollhom jaffaċċjaw sfida oħra li l-ġurija professjonali komposta minn Chalres Brunton, Marco Stabile u Marina Maniglio, ser jippreżetnaw liż-żgħażagħ magħżula Maltin u Għawdxin li ser ikomplu l-avventura tagħhom fil-programm.
Xi sfida hemm imħejjija għalihom li l-ebda żgħażugħ għadu ma jaf għaliex il-produzzjoni tal-programm żammet din l-isfida sigrieta sal-aħħar mument. Li huwa żgur, li hija sfida li ser toħrog l-aħjar u l-ifjen miż-żgħażagħ magħżula iżda mill-banda l-oħra ser tkun sfida diffiċli li ser twassal għall-ħafna sorpriżi u emozzjonijiet. Għal min din l-isfida ser tkun diffiċli wisq biex jegħleb u għal min ser tkun tkun opportunita’ sabiex juri lil kulħadd li hemm tassew il-BRILLANTI ta’ ġo fih? Li huwa żgur hu li Brillanti ta’ din il-ġimgħa għal darb’oħra se juri talent kbir.
