Fl-aħħar ġimgħat id-Dwana interċettat tlieta u għoxrin kontejner fil-Port Ħieles, li kien hemm minnhom kellhom fihom dgħajjes jew opri oħra tal-baħar destinati lejn il-Libja.
Dawn id-dgħajjes li nqabdu kienu maħsuba li se jintużaw fit-traffikar ta’ persuni b’rabta mal-immigrazzjoni mill-pajjiż Afrikan.
Fid-dawl tas-suspett qawwi li dawn id-dgħajjes kienu se jintużaw fl-immigrazzjoni illegali, dawn l-oġġetti nżammu mid-Dwana wara diskussjoni mal-bord tal-moniteraġġ għas-sanzjonijiet.
Intant fi tweet il-Prim Ministru Robert Abela laqa’ din l-aħbar u qal li Malta qed tiġġieled kontra l-għeruq tal-problema tal-immigrazzjoni irregolari. Qal li dan qed isir minn Malta fis-skiet u xi kultant waħedha.
Today the #MT Authorities have intercepted 23 containers destined to #Libya, each containing vessels which were going to be used by human traffickers to smuggle people to the #EU. Silently but diligently, at times alone, we are fighting the root causes of irregular migration.- RA
— Robert Abela (@RobertAbela_MT) October 13, 2020
