Il-ħaddiema tal-Protezzjoni Ċivili stazzjonati fix-Xemxija salvaw kelb wara li waqa’ f’ħofra fuq l-irdumijiet tal-Aħrax.
L-inċident seħħ meta tard il-Ġimgħa wara nofsinhar, koppja kienu qed imexxu l-klieb tagħhom, u f’mument minnhom wieħed mill-klieb waqa’ f’ħofra fonda li ma setgħax jitla’ minnha.
REKLAM
SKROLLJA BIEX TKOMPLI
Telefonata f’waqtha lid-Dipartiment tal-Protezzjoni Ċivili wasslet biex il-kelb jiġi salvat waqt operazzjoni delikata li ħadet ftit aktar minn siegħa.
F’filmat li xxandar fuq il-paġna ta’ Facebook ta’ Obstacle Course Academy, il-kelb jidher iferfer denbu meta jerġa’ jara lil sidu.
Ritratti: Obstacle Course Academy
