Din il-ġimgħa, jixxandar ir-raba’ episodju ta’ KWIR esklussivament fuq ONE. Dan l-episodju huwa wieħed partikolari, għaliex ser narawh mill-perspettiva ta’ Marie. Kull telespettatur ser jidħol fl-aktar rokna misterjuża u emozzjonali tal-istorja, fejn l-imħabba tal-passat tgħaqqad ruħha mad-dlam tal-preżent. Marie, tibqa’ tfittex mod kif tikkomunika l-imħabba tagħha lil Helen, iżda kliemha, imħallat bejn ħlewwa u rabja, jibqa’ jbeżża’ aktar milli jikkomforta.
Helen tgħaddi minn ġranet mimlija tensjoni hekk kif tibda tifhem il-fond tal-konnessjoni bejnha u Marie, imma l-misteru dejjem jiskura u l-biża’ tissokta
Intant, Lysander u Connor jibnu rabta dejjem iktar profonda, b’ċirkostanzi innoċenti li juru kemm l-imħabba tista’ tkun ħelwa u fl-istess ħin diffiċli biex tifhemha. Din hija storja dwar il-ġlieda bejn dak li ma nistgħux inħallu warajna u l-mixja għall-għarfien personali. Kull karattru jingħaqad mal-konflitti tiegħu, iħalli t-tama u l-imħabba jingħaqdu biex jiddominaw il-misteru u d-dlam li jdawwarhom.
Ir-raba’ episodju ta’ KWIR, mhux biss iħalli lill-udjenza fuq ix-xwiek iżda wkoll ifakkarhom li r-rabtiet ta’ mħabba huma dejjiema.
KWIR jixxandar it-Tnejn fid-8:45pm fuq ONE
