Minn nhar il-Ħadd 12 ta’ Jannar, Claudette Abela Baldacchino se tirritorna fuq ONE bi programm ġdid kull nhar ta’ Ħadd fl-10am. Għalkemm wiċċ sinonimu mas-segwaċi ta’ ONE, l-aħħar li rajna lil Claudette bi produzzjoni tagħha kien lura fl-2009 bil-programm Konfini.
Ma’ bidu ta’ sena ġdida, f’din l-iskeda, Claudette tinsab preparata biex tipproduċi u tippreżenta BLA FRUNTIERI, li huwa programm ta’ ġrajjiet kurrenti marbuta max-xena internazzjonali.
F’dan il-programm, Claudette se tkun qed tanalizza u tiddiskuti aħbarijiet internazzjonali u ġrajjiet li jkunu qed jiddominaw ix-xena globali b’ċans kbir li jkunu se jħallu xi forma ta’ impatt fuq pajjiżna.
”Ninsab kuntenta li ser nerġa’ nkun mas-segwaċi ta’ ONE bi programm li jiddiskuti l-politika lil hinn minn xtutna, analiżi, diskussjoni ambjentali, soċjali u anke l-ħajja li qed ngħixu”
CLAUDETTE ABELA BALDACCHINOREKLAMSKROLLJA BIEX TKOMPLI
BLA FRUNTIERI jixxandar kull nhar ta’ Ħadd fl-10am
