Aidan nieda verżjoni ġdida ta’ Naħseb Fik flimkien mal-kantanta b’vuċi mill-isbaħ, Amber.
Naħseb Fik meqjusa bħala l-aktar kanzunetta popolari mal-Maltin bħalissa.
Il-verżjoni akustika ssegwi s-suċċess li ġabet magħha din il-kanzunetta li baqgħet tindaqq wara li ndaqqet għall-ewwel darba fuq il-palk ta’ Mużika Mużika.
Minn dakinhar kisbet ‘il fuq minn 400,000 stream u għadha qed tiddomina fil-klassifiċi tar-radjijiet.
Il-video tal-verżjoni akustika ġie miġbud fuq il-pont il-ġdid tal-Marsa minn Victor Abela u Aerial Malta fuq direzzjoni ta’ Joseph Cauchi.
Din il-verżjoni ndaqqet minn The Palace String Orchestra fuq arranġament ta’ Ryan Paul Abela u Elton Zarb.
Għall-ewwel darba, il-kantant Aidan irnexxielu jamalgama stil modern u kurrenti mal-lirika Maltija, b’ħoss ta’ produzzjoni internazzjonali.
