APPROVATA: proposta Maltija dwar id-dimensja

Il-Bord Eżekuttiv tal-Għaqda Dinjija tas-Saħħa (WHO) għadu kif appova proposta li tressqet mis-Segretarju Parlamentari Segretarju Parlaentari għad-Drittijiet ta’ Persuni b’Diżabilita u Anzjanità Attiva Justyne Caruana f’isem il-Gvern Malti, flimkien ma’37 pajjiż ieħor, biex il-WHO tieħu azzjoni immedjata fuq id-Dimensja.

Din id-deċiżjoni importanti twitti t-triq biex jitfassal abbozz għal Pjan ta’ Azzjoni Globali  dwar id-Dimensja.  Dan għandu jsir fl-assemblea ġenerali tal-WHO s-sena d-dieħla.

Is-Segretarju Parlamentari Justyne Caruana fissret din id-deċiżjoni bħala “messaġġ ċar li l-Għaqda Dinjija tas-Saħħa għarfet l-importanza tal-proposta tagħna u ta’ pajjiżi oħra biex il-WHO tieħu azzjoni dwar din il-kundizzjoni li kulma jmur qiegħda taffettwa aktar persuni.”

Żiedet tgħid li għal pajjiżna din id-deċiżjoni tal-Bord Eżekuttiv tal-WHO tfisser li l-ħidma u l-appell tal-Gvern Malti, mhux biss ġew rikonoxxuti, imma wkoll ittieħdet azzjoni skont dak li insistejna dwaru aħna.