Anzjana ta’ ħamsa u sebgħin sena minn Birkirkara qed issofri minn ġrieħi serji wara li kienet involuta f’inċident stradali fi Triq Misraħ il-Barrieri f’Santa Venera.
L-inċident seħħ ilbieraħ waranofsinhar għall-ħabta tal-ħamsa, meta l-anzjana ntlaqtet minn Ford Ranger li kienet qed tinstaq minn raġel ta’ ħamsin sena minn Raħal Ġdid.
REKLAM
SKROLLJA BIEX TKOMPLI
Il-mara ngħatat l-għajnuna minn tim mediku fuq il-post u ttieħdet l-Isptar Mater Dei b’ambulanza, fejn ġiet iċċertifikata li sofriet minn ġrieħi serji.
Dwar il-każ inħatret inkjesta Maġisterjali u l-investigazzjonijiet tal-Pulizija għadhom għaddejjin.
