Anzjana ta’ 88 sena mietet aktar kmieni llum waqt li kienet pożittiva għall-Covid-19.
Fi stqarrija maħruġa mill-Ministeru għas-Saħħa ntqal li l-anzjana kienet ikkonfermata pożittiva fl-20 ta’ Ottubru u ddaħħlet l-Isptar Mater Dei fil-21 ta’ Ottubru. Hija baqgħet tingħata kura fl-Isptar Mater Dei fejn mietet aktar kmieni llum.
L-anzjana kienet tbati minn mard kroniku ieħor.
Il-Ministeru għas-Saħħa ta l-kondoljanzi lill-qraba tal-anzjana u appella biex il-poplu jibqa’ jsegwi l-appelli tad-Dipartiment tas-Saħħa.
