Ilbieraħ, għall-ħabta tas-sebgħa u ħamsa ta’ filgħaxija seħħ inċident stradali fi Triq Mrabat, Sliema.
Karozza tat-tip Toyota Starlet misjuqa minn raġel ta’ 37 sena, residenti l-Imsida, laqtet lill-anzjana ta’ 81 sena, residenti tas-Sliema.
L-anzjana ttieħdet l-Isptar Mater Dei sabiex tingħata l-kura meħtieġa fejn aktar tard, hija ġiet iċċertifikata li qegħda ssofri minn ġrieħi ta’ natura gravi.
L-investigazzjonijiet tal-Pulizija għadhom għaddejjin.
