Anzjana ta’ tnejn u sebgħin u mara ta’ tnejn u erbgħin sena ġew arrestati b’rabta ma’ sejba ta’ diversi qratas b’sustanza suspettata droga kokaina lesta biex tiġi ttraffikata.
Ammont ieħor tal-istess droga nstabet moħbija fl-istess dar.
Huma kienu arrestati tard ilbieraħ filgħaxija, mill-Iskwadra ta’ Kontra d-Droga fil-Kalkara.
Il-Maġistrat tal-Għassa Dr Rachel Montebello ġiet infurmata rigward il-każ u ħatret inkjesta filwaqt li l-investigazzjonijiet tal-Pulizija dwar dan il-każ għadhom għaddejjin.
Iż-żewġ nisa qegħdin jinżammu fil-Kwartieri Ġenerali tal-Pulizija, il-Floriana għal aktar stħarriġ.
Kreditu: Uffiċċju tal-Komunikazzjoni, Il-Korp tal-Pulizija ta’ Malta
