Anzjana mixlija bl-importazzjoni ta’ 7kg kokaina

Mara ta’ 61 sena baqgħet tinżamm arrestata wara li ġiet mixlija b’importazzjoni ta’ seba’ kilogrammi kokaina.

Carmen Delgado, mill-Venezwela, ġiet arrestata fl-ajruport wara li uffiċjali tad-Dwana lemħu kompartiment falz u dlonk talbu l-intervent tal-Pulizija.

Fil-Qorti ntqal li d-droga nstabet fil-bagalja tagħha wara titjira minn Barċellona.

Hija wieġbet li mhix ħatja ta’ dawn l-akkużi.