Anzjan ta’ 75 sena mill-Mosta ndarab gravi wara li ntlaqat minn karozza tal-għamla Toyota Vitz li kienet qed tinstaq minn anzjan ta’ 73 sena minn Ta’ Xbiex.
L-inċident seħħ għall-ħabta tat-8:30 ta’ dalgħodu fi Triq ix-Xatt f’Ta’ Xbiex.
Fuq il-post issejħet l-assistenza ta’ tim mediku li aktar tard ħa lill-anzjan l-isptar Mater Dei għal aktar kura.
L-investigazzjonijiet tal-Pulizija dwar dan il-każ għadhom għaddejjin.
