Anzjan ta’ erbgħa u sebgħin sena minn Birżebbuġa weġġa’ gravi wara ħabta bejn karozza u trakk f’Ħal Far.
Il-każ seħħ għall-ħabta tat-tlieta u nofs ta’ wara nofsinhar fi Triq l-Avjazzjoni, viċin l-Ajruport.
It-trakk kien qed jinstaq minn Albaniż ta’ sitta u tletin sena minn Ħal Tarxien u l-karozza kienet misjuqa mill-anzjan.
L-anzjan ittieħed l-isptar b’ambulanza.
Riżultat ta’ dan l-inċident, għal xi ħin kellha tingħalaq it-triq għat-traffiku.
