Anzjan ta’ 72 sena minn Birkirkara, ittieħdet l-isptar għal aktar kura, wara li kien involut f’ħabta bil-karozza li kien qed isuq, ma’ karozza tal-għamla Chevrolet li kienet qed tinstaq minn mara ta’ 61 sena mill-Imsida.
Kawża ta’ dan l-inċident l-karozza misjuqa mir-raġel baqgħet dieħla ġo karozza tat-tip Alfa Romeo, li kienet qed tinstaq minn Taljan. Aktar tard il-karozza misjuqa mill-anzjan ta’ 72 baqgħet dieħla ġo karozza tal-għamla Mazda li kienet ipparkjata.
L-inċident seħħ għall-ħabta tat-3:30 ta’ waranofsinhar, fi Triq il-Wied, Birkirkara.
Fuq il-post issejħet l-assistenza ta’ membri mill-Protezzjoni Ċivili u ta’ tim mediku, li aktar tard ħa lill-anzjan l-isptar Mater Dei għal aktar kura.
Il-kundizzjoni tal-anzjan għadha mhux magħrufa.
L-investigazzjonijiet tal-Pulizija dwar dan il-każ għadhom għaddejjin.
