Anzjan ta’ 67 sena miet waqt li kien pożittiv għall-Covid-19. Il-Ministeru għas-Saħħa spjega fi stqarrija li dan iddaħħal l-Isptar Mater Dei fit-28 ta’ Settembru u ġie kkonfermat pożittiv għall-Covid-19 fl-1 ta’ Ottubru.
Huwa baqa’ jingħata kura fl-Isptar Mater Dei fejn miet aktar kmieni llum.
L-anzjan kellu wkoll kundizzjonijiet ta’ saħħa ulterjuri.
Il-Ministeru għas-Saħħa ta l-kondoljanzi lill-qraba tal-anzjan, u appella biex il-poplu jibqa’ jsegwi l-appelli tad-Dipartiment tas-Saħħa.
