Anzjan ta’ 79 sena residenti Ħal Qormi qed isofri minn ġrieħi gravi wara li safa’ milqut minn vettura f’Ħal Qormi
L-inċident seħħ dalgħodu għall-ħabta tat-08:30 fi Triq il-Belt Valletta, Ħal Qormi, meta għal xi raġuni l-anzjan intlaqat minn vettur tat-tip Toyota Corolla, misjuqa minn ġuvni ta’ 26 sena minn Ħal Qormi. Fuq il-post marru l-Pulizija tad-distrett u ambulanza li ħadet lill-anzjan l-Isptar Mater Dei għall-kura.
Intant, l-investigazzjoni tal-Pulizija dwar dan il-każ għadhom għaddejjin.
