Anthony Asquith huwa r-raġel Ingliż ta’ 52 sena li lbieraħ tilef ħajtu traġikament f’inċident tat-traffiku fi Triq il-Katakombi, fis-Salini, fil-limiti tan-Naxxar.
L-inċident seħħ ilbieraħ għall-ħabta tas-sitta ta’ waranofsinhar, meta jidher li għal xi raġuni r-raġel tilef il-kontroll tal-vettura, waqt li kien qed isuq fin-niżla, ħabat ma’ vann li kien ipparkjat, ħabat mal-parapett ta’ dar u l-karozza nqalbet ta’ taħt fuq. Bil-vittma spiċċa maqbud taħt l-istess vettura.
REKLAM
SKROLLJA BIEX TKOMPLI
Fuq il-post marret ambulanza u tim mediku biex jagħtu l-ewwel għajnuna, iżda l-vittma ġie ċċertifikat mejjet fuq il-post.
