Is-sena 2017 tfakkar l-20 anniversarju mid-debut tat-tenur Malti Joseph Calleja. Għal din l-okkażjoni, Andrea Bocelli se jkun qed ikanta ma’ Joseph Calleja fil-kunċert li se jittella fid-19 ta’ Awwissu fuq il-fosos tal-Furjana.
It-tenuri ta’ fama internazzjonali se jkunu akkumpanjati bis-simfonija mużikali tal-orkestra Nazzjonali kif ukoll mill-BOV Joseph Calleja children’s choir taħt id-direzzjoni ta’ Gillian Zammit.
Bi ftehim mal-Gvern kif ukoll mal-Awtoritá għat-turiżmu ż-żona fejn l-udjenza tista’ toqgħod bilwieqfa se tkun bla ħlas u miftuħa għall-pubbliku.
Jekk tixtieq issegwi dan il-kunċert bilqegħda tista’ tikseb il-biljetti mit-22 ta’ Diċembru minn fuq is sit www.showshappening.com jew fuq il-Freephone 79265066. Il-biljetti jibdew minn €80.
