Għaxaq Music events għal darb oħra ser itellgħu il-kunċerti Summerlust Music Festival fir-rahal ta’ Ħal Ghaxaq li għall-ewwel darba ser ikun maqsum fuq tlett ijiem, nhar il-Ġimgħa 17, is-Sibt 18 u l-Ġimgħa 24 ta’ Mejju. Bħalissa kif wieħed jista’ jimmaġina għaddejjin l-aħħar preparamenti biex kollox ikun lest u dan il-festival jitgawda fil-qalba tar-raħal ta’ Ħal Għaxaq, proprju f’Għaxaq Grounds biswit il-pjazza ewlenija.
Is-separju jiftaħ nhar il-Ġimgħa 17 ta’ Mejju permezz ta’ wieħed mill-aqwa artisti fix-xena mużikali Taljana, Umberto Tozzi. Ir-ripertorju ta’ dan il-kantant huwa vast ħafna però l-udjenza żgur li ser tkun qed tistenna b’tant ħeġġa wħud mis-suċċessi tiegħu bħal Gloria, Tu, Ti Amo, Stella Stai u ħafna aktar. Is-serata ser tiftah bis-sehem tal-grupp Ghaqdxi the Travellers l iukoll be hsiebhom jaghtu spettaklu shih mir-repertorju taghhom. Jaghlaq is-serata Dj Alex Grech li ha jkompli jaghti spettaklu b’muzika ta zmien ta tmenijiet.
Imbagħad is-Sibt 18 ta’ Mejju, dawk kollha preżenti ser ikunu jistgħu jiddevertu flimkien mal-kantanta Amerikana, Anastacia. F’dan il-kunċert uniku żgur li wieħed jistenna kanzunetti famużi internazzjonalment bħalma huma I’m Outta Love, Left Outside Alone, Sick and tired u One day in your life fost oħrajn. Qabel l-ispettaklu min Anastacia, ser ikun hemm spettaklu mill-artisti maltin, Different Mind, Kurt Calleja u Glenn Vella. Jaghlaq is-serata Dj Ziggy.
Dawk kollha li għadhom ma xtrawx il-biljetti tagħhom għal dawn iż-żewġ serati impekkabbli li ser jiftħu l-istaġun sajfi, jistgħu jagħmlu dan billi jżuru www.showshappening.com.
L-organizzaturi ħabbru wkoll li wara rispons tajjeb mill-isponsors u anke għajnuna min entitajiet governattivi, ser jiftħu żona fuq in-naħa ta’ wara fejn id-dħul isir mingħajr ħlas fejn iżda tintalab donazzjoni b’risq dar Bjorn. Sejrin jintramaw ukoll screens fit-triq biswit il-ground fejn wieħed ikun jista’ jattendi mal-familja tiegħu.
