L-Indoneżja tinsab fuq alert kważi massimu hekk kif il-vulkan Anak Krakatau kompla jiżbroffa.
L-ajruplani li kienu qed itiru viċin il-vulkan kieni kostretti jibdlu r-rotta u bħalissa ngħalqet żona ta’ ħames kilometri madwar il-vulkan.
Is-Sibt li għadda, l-vulkan ikkawża wkoll tsunami li qatel mijiet ta’ persuni.
Hu mifhum li numru ta’ titjiriet ġew affettwati anki dawk l-ajruplani li kienu fi triqithom lejn l-Awstralja u Singapore fost l-oħrajn.
