Il-miri tal-Gvern biex ikun indirizzat id-dejn u d-defiċit qed jintlaħqu.
Spjega dan il-Ministru għall-Finanzi Edward Scicluna b’reazzjoni għall-allegazzjonijiet li għamlet l-Oppożizzjoni dwar l-infiq tal-Gvern.
Scicluna qal li qabel titkellem l-Oppożizzjoni għandha sempliċiment taqra d-dokument tal-budget dwar stimi supplimentari u tinduna li s-sistema qatt ma nbidlet.
Scicluna qal li filwaqt li l-Oppożizzjoni qalet li l-Gvern tilef il-kontroll, dak li qed jgħidu l-aġenziji internazzjonali tal-Kreditu u l-Kummissjoni Ewropea qed jgħidu ħaġa oħra. Dik li ħidmet il-Gvern qed twassal biex id-defiċit u d-dejn jonqos.
