Persuni li ċemplulna mill-Isptar Mater Dei talbuna nindagaw jekk kinitx ġrat xi ħaġa, peress li bdiet iddoqq is-sistema tal-allarm li tindika każ ta’ nirien.
Iżda jirriżulta biss li kien allarm falz. Fl-isptar qed isir xogħol ta’ manutenzjoni, u bħala parti minn dan ix-xogħol, intuża chaser. Apparat li tajjar it-trab, li spiċċa fl-inġenju li jagħraf meta jkun hemm nirien, b’konsegwenza li beda’ jqoff l-allarm.
Is-sitwazzjoni ġiet lura għan-normal wara ftit, imma mhux mingħajr ħafna domandi ta’ seta’ ġara.
