Wara li t-Tnejn filgħaxija Sliema Wanderers waslu f’ftehim sabiex Paul Zammit jieħu f’idu t-tmexxija tat-tim bħala kowċ, matul il-ġurnata tat-Tlieta Sliema ħatru lil Alfred Attard bħala d-Direttur Tekniku tat-tim.
Alfred Attard mexxa lil numru ta’ timijiet bħala kowċ f’din id-diviżjoni, ewlenin fosthom Mqabba, Zabbar SP, Zebbuġ Rangers u Marsaxlokk.
REKLAM
SKROLLJA BIEX TKOMPLI
Għal Attard dan huwa ritorn fil-klabb Slimiż wara li fil-passat kien okkupa l-kariga ta’ assistent kowċ. Ma’ Sliema Wanderers saħansitra rebaħ ukoll l-FA Trophy.
Il-ħatra ta’ Attard qed titqies bħala ritorn fil-futbol wara li għal dawn l-aħħar staġun u nofs huwa kien iddeċieda li jieħu pawsa mill-futbol.
