F’diżappunt għal ħafna partitarji ta’ Manchester United, l-eks kowċ Sir Alex Ferguson se jkun qed jitwaqqaf minn ambaxxatur tar-Red Devils fi tmiem dan l-istaġun.
L-eks kowċ, li mat-tim ta’ Manchester United rebaħ 13-il titlu tal-Premier League, kien ambaxxatur globali tal-istess tim fi rwol li jingħad li daħħal ftit aktar minn żewġ miljun Sterlina.
REKLAM
SKROLLJA BIEX TKOMPLI
Kien Sir Jim Ratcliffe li ħa din id-deċiżjoni kontroversjali, wara li wkoll informa b’dan lil Ferguson fl-aħħar jiem. Minkejja dan, Ferguson xorta se jibqa’ parti mill-bord tal-klabb famuż.
