L-għarusa tal-leġġenda fid-dinja tal-football, Cristiano Ronaldo, aktarx qed tistenna tarbija, u aktarx għandha ħames xhur tqala.
Dan qed jingħad fuq diversi siti soċjali, issa li Georgina Rodriguez tidher biċ-ċar li qed tistenna tarbija. Aktar kmieni kien hemm rapporti li Ronaldo u Rodriguez kienu qed jippjanaw ‘super baby’ wara li marru fi klinika li tagħmel eżamijiet tad-DNA biex jevalwaw kif tkun tidher tarbija li jista’ jkollhom.
Ronaldo diġà għandu tifel li jismu bħalu, u li ġie f’din id-dinja wara laqgħu ta’ darba ma’ waitress Amerikana. Ta’ dan it-tifel, Ronaldo għandu kustodja sħiħa. Minbarra Cristiano Junior, hemm ukoll tewmin li jingħad twieldu permezz ta’ surrogate mother.
