Il-Prim Ministru Joseph Muscat kompla juri difetti serji fuq it-transcript tad-declaration of trust li ppublikat il-blogger tal-PN Daphne Caruana Galizia.
It-transcript jgħid li l-indirizz irreġistrat ta’ Egrant huma l-uffiċji ta’ Nexia f’San Ġwann, kif jidher fil-Panama Papers li nħarġu mill-ICIJ (International Consortium of Investigative Journalists) is-sena li għaddiet.
Qal li min iffalsifika d-dokument jidher li ġab l-informazzjoni mid-database tal-ICIJ, u dan huwa żball kbir għax din l-informazzjoni tirreferi għall-intermedjarji. Dan meta d-declaration of trust għandu jirreferi għall-indirizz irreġistrat tal-kumpanija. L-indirizz irreġistrat tal-kumpanija f’dan il-każ kien il-Panama, u mhux San Ġwann.
It-transcript tallega li Michelle Muscat hija l-benefiċjarja waħdanija ta’ kumpanija sigrieta fil-Panama.
Hu u jwieġeb domandi tal-ġurnalisti, il-Prim Minsitru staqsa għaliex fit-transcript hemm li Michelle Muscat twieldet ir-Rabat, meta fil-verità twieldet Ħ’Attard. Spjega li l-karta tal-identità ta’ Michelle Muscat tgħid, b’mod żbaljat, li twieldet ir-Rabat, fejn trabbiet. Dan jissuġġerixxi li min kiteb it-transcript, ġab l-informazzjoni mir-reġistru elettorali.
Żied jgħid li esperti nnotaw li huwa stramb li hemm id-data u l-post ta’ twelid ta’ Michell Muscat imma mhux in-numru tal-identità jew inkella l-indirizz tagħha.
Waqt id-dibattitu tal-bieraħ il-Prim Minsitru spjega aktar żbalji fundamentali.
