Gżira United ġeddew il-kuntratt tad-difensur ċentrali Destin Prince Mambouana. Id-difensur mill-Kongo kien ingħaqad ma’ Gżira f’Jannar li għadda u jidher li t-tmexxija tal-maroons hija kuntenta bis-servizz tal-plejer tant li offritlu kuntratt għal staġun ieħor.
Min-naħa l-oħra Gżira rrillaxxaw lid-difensur Ingliż Kris Thackray. Thackray, li għandu 30 sena, ukoll kien iffirma mat-tim immexxi minn Darren Abdilla f’Jannar ta’ din is-sena iżda l-prestazzjonijiet tiegħu ma’ impressjonawx u għalhekk ġie rrilaxxat.
