Aktar minn 200 persuna jinsabu maqbuda fuq muntanja fuq il-gżira fl-Indoneżja, Lombok. Dan wara terremot li seħħ ilbieraħ li kawża tiegħu ngħalqu r-rotot minn fejn setgħu jaħarbu.
Mijiet ta’ membri tas-salvataġġ issa qed jaħdmu qatigħ biex jevakwawhom minn Mount Rinjani, destinazzjoni popolari ma’ dawk li jħobbu jmorru hikes.
It-terremot ta’ qawwa 6.4 fuq l-Iskala Richter laqat lil din il-gżira kmieni l-Ħadd filgħodu, mhux bogħod mill-bażi tal-muntanja.
Minn tal-inqas 16-il persuna tilfu ħajjithom u aktar minn 160 persuna ndarbu kawża tat-terremot.
