F’24 siegħa biss fl-Istati Uniti mietu rekord ta’ 1,736 kawża tal-virus COVID-19, biex issa t-total ta’ mwiet fil-pajjiż kawża tal-pandemija jgħodd it-12,722.
Fl-Istati Uniti hemm ukoll l-aktar numru ta’ każi kkonfermati, li bħalissa jgħodd it-398,000. Il-każijiet ta’ COVID-19 madwar id-dinja jaqbżu l-1.4 miljun.
Ammont kbir ta’ mwiet kien irrapurtat fl-istat ta’ New York li bħalissa qed jitqies bħala l-epiċentru tal-imxija fl-Amerka.
L-istat ta’ New York ilbieraħ biss irreġistra 731 mewta.
Dan l-istat Amerikan waħdu huwa mistenni li jgħaddi l-pajjiż Taljan sħiħ bl-ammont ta’ nies infettati bil-Coronavirus.
