Aktar kantanti semi-finalisti ta’ Mużika Mużika 2024 jingħaqdu ma’ Jurgen Manicolo waqt il-programm MANICOLO &CO ta din il-ġimgħa.
It-tim tal-produzzjoni skopra li Keith Zammit Mintoff mhux ikanta biss jaf, imma anke jagħmel il-ħsejjes ta’ annimali differenti b’ħalqu…u jidħol fiha sew!
Janice Debattista tkanta ukoll mal-grupp ‘Salt’ u rebħu żewġ unuri prestiġjużi f’kompetizzjoni lokali. Magħha wkoll, Jurgen jitkellem dwar il-Eurovision għax iffissata fih u anke fuq l-ikel favorit: l-ikel Ażjatiku.
Din il-ġimgħa waqt MANICOLO &CO niltaqgħu ukoll mal-kantanta Thea Aquilina li ser tirrakkonta kif bħal daż-żmien sena spiċċat kielet il-pillola t’ommha bi żball wara li ħasbitha biċċa ġelu tal-figolla u kellha naqra konsegwenzi minnħabba f’hekk.
Ħafna jafu lil Andreana Debattista bħala kantanta pero’ għamlet żmien twil ukoll tgħallem. Kull min jaf lil Andreana ftit tal-ġimgħat ilu baqa’ sorpriż għax qalgħet l-ewwel ċitazzjoni tagħha meta qabżet il-limitu tas-sewqan. Andreana magħrufa kemm issuq bilmod u Jurgen ta’ kurżitajr li hu, ser jistaqsi għalxiex u kif? Lil Andreana bħalissa qegħdin narawha wkoll tinterpreata l-karattru ta’ Ġovann li jixbah ħafna lill-personalita’ tagħha u ser tgħidilna għalfejn dan il-karattru żgur ser jibqa’ marbut ma’ qalbha.
Ma’ Moira Stafrace nitkellmu kif bdiet fix-xena tal-mużika u anke għalxiex għamlet żmien tgħix ir-Renju Unit. X’inhuma l-proġetti futuri u x’ser nistennew minn Moira fiż-żmien li ġej? Ovjament tgħidilna waqt il-programm MANICOLO &CO li jixxandar kuljum matul il-ġimgha wara l-bulettin prinċipali ta’ ONE NEWS.
