Id-Dipartiment tal-Ġustizzja tal-Istati Uniti mistenni jiftaħ akkużi ġodda kontra individwu b’rabta mal-każ ta’ splużjoni li ġarrfet ajruplan tal-linja Pan Am fuq il-belt Skoċċiża Lockerbie.
Il-każ seħħ fl-1988, u ħalla 270 persuna mejta, fosthom studenti universitarji.
Dan il-każ xpruna investigazzjonijiet delikati madwar id-dinja u sanzjonijiet kontra l-Libja, li eventwalment ressqet żewġ uffiċjali tagħha quddiem qorti Skoċċiża.
Nhar it-Tnejn li ġej ikun it-32 anniversarju tat-traġedja.
