Nuhu Mohammed, raġel ta’ 32-il sena mill-Ghana, inżamm arrestat wara li fuqu nstabu mal-40 pakkett żgħir ta’ droga kannabis fi ġnien pubbliku fil-Marsa.
REKLAM
SKROLLJA BIEX TKOMPLI
Il-Qorti infurmat lill-Mohammed li huwa akkużat bil-pussess tal-ħaxixa u droga sintetika f’ċirkustanzi li ma kinux intenzjonati għall-użu personali fil-ħin tal-arrest nhar il-Ħadd li għadda.
Huwa ġie akkużat ukoll li ma obdiex l-ordni tal-Pulizija.
L-imputat wieġeb li mhux ħati tal-akkużi miġjuba kontrih u d-difiża infurmat lill-Qorti li ma kinitx se titlob il-ħelsien mill-arrest.
