Wieħed mill-ajruplani tat-Turkish Star il-Ġimgħa filgħaxija għamel inżul ta’ emerġenza fl-ajruport internazzjonali ta’ Malta wara li żviluppatlu ħsara fil-magni.
Minn informazzjoni li għandu ONE News l-ajruplan niżel għall-ħabta tas-sitta ta’ filgħaxija. Ħadd ma weġġa’ f’dan l-inċident.
Qarrej ta’ one.com.mt bagħat żewġ ritratti li ħa tal-ajruplan jagħmel inżul ta’ emerġenza fl-ajruport. Huwa qal li kien għaddej mis-Swieqi meta nnota l-ajruplan jinqata’ minn ma’ ajruplan li kien qed itir miegħu wara li sema’ ħoss kbir fis-sema.
