Illejla, id-DJ popolari Inġliż Jonas Blue se jkun parti milli-ispettaklu li se jsellem l-2018 u jagħti merbħa lis-sena l-ġdida fi Pjazza Indipendenza f’Għawdex.
Fl-aħħar snin Jonas Blue ħareġ bosta singles li wassluh sal-quċċata tax-xena mużikali internazzjonali. Fost dawn Fast Car, Perfect Strangers, Mama u Rise, l-aħħar suċċess tiegħu għal din is-sena. Is-sena li għaddiet huwa kien ukoll f’pajjiżna biex jieħu sehem fil-Malta Music Week.
Fiċ-ċeleberazzjonijiet tal-lejlet l-Ewwel tas-Sena jieħdu sehem ukoll il-grupp mużikali Għawdxi The Travellers, il-band Ġanni & Friends u J JOY.
Fl-aħħar jiem kienu eluf il-Maltin u t-turisti li rħewlha lejn Għawdex biex jassistu għal dan l-ispettaklu. Xhieda ta’ dan is-serbut twil ta’ karozzi li nġema’ fl-aħħar jiem mill-Għadira sal-port taċ-Ċirkewwa.
