Żagħżugħ ta’ 14-il sena minn Ħaż-Żabbar ġarrab ġrieħi gravi wara li ntlaqat minn vettura tal-għamla Isuzu li kienet qed tinstaq minn Taljan ta’ 46 sena li joqgħod Wied il-Għajn.
L-inċident seħħ għall-ħabta tal-12:15pm fi Triq ix-Xgħajra, Ħaż-Żabbar.
Fuq il-post issejħet l-assistenza tal-membri tal-Pulizija u tim mediku li ħa liż-żagħżugħ l-isptar Mater Dei għal aktar kura.
L-investigazzjonijiet tal-Pulizija b’rabta ma’ dan il-każ għadhom għaddejjin.
