16:57 Minn informazzjoni li ksibna minn fuq il-post nistgħu nikkonfermaw li r-raġel huwa ta’ nazzjonalità Taljana u waqa’ għoli ta’ madwar seba’ sulari. Il-kundizzjoni tal-persuna għadha mhix magħrufa.
16:20 Ħelikopter tal-Forzi Armata niżel mal-irdum bil-għan li jtella’ l-ferut li jidher li għadu konxju. Fuq il-post hemm ambulanza li mistennija tiġbor il-vittma biex tieħdu l-Isptar Mater Dei għall-kura.
Aktar qabel: Għaddejja ħidma mid-Dipartiment tal-Protezzjoni Ċivili u l-Pulizija biex ikun assistit raġel ferut fil-Mistra. Dan wara li mill-ewwel tagħrif li għandna waqa’ xi ġebel fuqu. Jirriżulta li għalkemm ir-raġel jinsab konxju qiegħed f’post li l-aċċess għalih huwa diffiċli u għalhekk intalbet l-assistenza tal-Forzi Armati ta’ Malta.
