Jirrappurtaw Stefan Bajada u Francesco Borg
Inselmulkom mis-Sala tal-Għadd tal-Voti fin-Naxxar fejn fil-ħin li ġej se jibda l-proċess l-għadd tal-voti għal-23 Kunsill Lokali fuq 13-mejda.
Dan wara li n-nies ivvutaw fl-elezzjonijiet tas-Sibt li għadda.
ONE News se jkun qed jaġġornakom b’mod kontinwu b’dak li qed jiġri, fejn bħalissa bdew jaslu l-kandidati u r-rappreżentanti tal-Partiti.
Illum iridu jiġu eletti 155 Kunsillier għall-ħames snin li ġejjin.
Dawn huma;
Birżebbuġa, San Ġiljan, Ħal Tarxien, l-Iklin,
iż-Żurrieq, San Pawl il-Baħar, Ta’ Xbiex, Santa Venera,
Għajnsielem, il-Mellieħa, Pembroke, iż-Żejtun, l-Imqabba,
il-Qrendi, il-Belt Valletta, Ħaż-Żebbuġ, in-Nadur, il-Marsa,
il-Fontana, Ħal Balzan, Ħad-Dingli, l-Għasri u x-Xewkija.
Fuq 3 ijiem, b’kollox iridu jiġu eletti 471 kunsillier f’67 lokalità: 53 f’Malta u 14 f’Għawdex.
DIRETT:
20:34 – Fil-Mellieħa l-Partit Laburista u l-Partit Nazzjonalista tellgħu erba’ siġġijiet kull wieħed f’Kunsill Lokali li ħames snin ilu kien hemm biss differenza ta’ 70 vot. Hawnhekk intrebaħ siġġu minn kandidat indipendenti u allura s-Sindikat jiġi deċiż f’laqgħa tal-Kunsill.
Kunsilliera Eletti fil-Mellieħa:
Buttigieg, John (PL)
Bartolo Cutajar, Rebecca (PL)
Buttigieg, Kurt (PL)
Cauchi, Jude (PL)
Borg Cushieri, Matthew (Kandidat Indipendenti)
Micallef, Gabriel (PN)
Castillo, Corinne (PN)
Bartolo, Emvin (PN)
Darmanin, Loridana (PN)
F’Ħaż-Żebbuġ il-Partit Laburista kiseb erba’ siġġijiet, tliet siġġijiet kisibhom il-Partit Nazzjonalista u ġew eletti żewġ kandidati indipendenti. Steve Zammit Lupi, li diġà kien elett fil-Kunsill ħames snin ilu bħala kandidat indipendenti, kiseb l-akbar ammont ta’ voti f’din l-elezzjoni.
Kunsilliera Eletti f’Ħaż-Żebbuġ:
Agius, Joseph (PL)
Grech, Godwin (PL)
Mizzi, Ayrton (PL)
Baldacchino, Paul (PL)
Zammit Lupi, Steve (Indipendenti)
Zammit Lupi, Lilibeth (Indipendenti)
Attard, Mario (PN)
Mazzola, Paul (PN)
Cortis, George (PN)
19:18 – Jidher li San Pawl intrebaħ minn maġġoranza Nazzjonalista.
S’issa dawn huma l-Kunsilli mirbuħa minn maġġoranza Laburista.
Kunsilliera Eletti f’San Pawl il-Baħar:
Grima, Alfred (PL)
Connor, Daryl (PL)
Bugeja, Alan (PL)
Attard, Joseph Matthew (PL)
Micallef, Clevion (PL)
Galea, Vincent (PN) – Sindku
Vella Petroni, Chris (PN)- Viċi Sindku
Fenech, Anne Marie (PN)
Williams, Rachel Antoinette (PN)
Bezzina, Antoinette (PN)
Smart Costantino, Sandra (PN)
Gauci, Sandra (AD + PD)
19:05: Kandidati Eletti f’San Ġiljan:
Amaira, Mario (PL)
Caruana, David (PL)
Mifsud, Carlo (PL)
Dalli, Guido (PN) – Sindku
Gauci, Sean (PN) – Viċi Sindku
Borg Ferrando, Gabriel Carl (PN)
Vella, Victor (PN)
Camilleri, Patricia (PN)
Dimech Portelli, Rita (PN)
19:00 – Il-lokalità ta’ Ħal Balzan intrebħet mill-PN.
Il-Kunsilliera Eletti f’Ħal Balzan:
De Gaetano, Oliver Nicholas (PL)
Micallef, Angelo (PN) – Sindku
Grech, Edward (PN) -Viċi Sindku
Galea, Annalise (PN)
Briffa, Mary Louise (PN)
18:38: Il-lokalità tal-Iklin, jidher li reġgħet intrebħet mill-PN,li tradizzjonalment ikun imexxi b’maġġoranza Nazzjonalista.
Kunsilliera Eletti l-Iklin:
Fenech Mario (PL)
Fenech, Matthew (PL)
Sciberras, Dorian (PN) – Sindku
Bartolo, Yvonne (PN) – Viċi Sindu
Gusman, Mary Grace (PN)
18:30: Kandidati eletti f’Għajnsielem:
Buttigieg, Larry (PL)
Cauchi, Kevin (PN) – Sindku
Debono, Joseph (PN) – Viċi Sindku
Mercieca, Stephen (PN)
Saliba, Teddy (PN)
18:23 – Ħad-Dingli u Santa Venera jagħżlu wkoll maġġoranza Laburista għall-Kunsil Lokali rispettiv tagħhom.
18:22 – Marsa wkoll tintrebaħ minn maġġoranza Laburista.
18:08 – Jidher li maġġoranza Laburista fl-Imqabba, il-Qrendi u x-Xewkija, hija konfermata għall-leġiżlatura li jmiss.
17:24 – Jidher li lest ukoll l-għadd tal-voti tal-Kunsill tan-Nadur, li tradizzjonalment ikun immexxi b’maġġoranza Nazzjonalista.
Kunsilliera Eletti fin-Nadur:
Vella, Rebecca (PL)
Cardona, Corey (PL)
Said, Edward (PN) – Sindku
Curmi, Kevin (PN) – Viċi Sindku
Camilleri, Eucharist (PN)
17:21 – Il-lokalità tal-Fontana jidher li reġgħet intrebħet mill-PN, lokalità li kellha maġġoranza Nazzjonalista fl-2019. Hawnhekk f’din il-lokalità, is-Sindku Saviour Borg għażel li joħroġ indipendenti flok f’isem il-PN.
Kunsilliera Eletti fil-Fontana:
Micallef Horace (PL)
Micallef Carmelo (PL)
Mizzi Thomas (PN) – Sindku
Mizzi Ivana (PN) – Viċi Sindku
Mercieca Joseph (PN)
17:16 – Il-proċess tal-għadd tal-voti għadu għaddej, bir-riżultat ta’ wħud mill-lokalitajiet mistenni joħroġ fil-ħin li ġej.
16:40 – L-Għasri mistennija tkun l-ewwel lokalità magħluqa. Il-Partit Laburista rebaħ it-tmexxija ta’ dan il-Kunsill għall-ewwel darba u rebaħ dan b’maġġoranza b’saħħitha.
16:05 – Jibda t-tieni proċess tal-għadd tal-voti fin-Naxxar, hekk kif issa beda l-wiri tal-voti. Meta jintemm dan, imbagħad isir l-iscanning tal-voti.
15:45 – Riesaq lejn tmiemu l-proċess fejn l-voti jinqalbu rashom l’isfel. Għall-ħabta tal-4pm, imbagħad jibdew jintwerew il-voti lid-delegati tal-partiti.
14:46 – Miexi ġmielu l-proċess tal-għadd tal-voti. Ta’ min ifakkar kif għall-ewwel darba f’din l-elzzjoni kandidati ta’ 16-il sena jistgħu jiġu eletti Sindki u Viċi Sindki. Preżenti hawn ukoll numru ta’ Ministri u deputati tal-Gvern.
L-għadd tal-voti mistenni jibda wara l-17:00.
14:07 – Bħalissa qed jinfetħu l-kaxxi fuq 13-il mejda, fejn il-voti se jitpoġġew rashom l-isfel fuq l-imwejjed rispettivi tagħhom.
Ta’ min ifakkar kif imħabbar mill-Kummissjoni Elettorali, it-turnout għall-elezzjonijiet tal-Kunsilli Lokali kienet ta’ kien ta’ 59.47%.
