Libjan ta’ 45 sena li joqgħod is-Siġġiewi ġarrab ġrieħi gravi wara li ħabat bil-vann tal-għamla Toyota li kien qed isuq ma’ vettura tal-għamla Peugeot Partner, li kienet qed tinstaq minn raġel ta’ 44 sena.
L-inċident seħħ għall-ħabta tan-12:30pm fi Triq l-Imdina, Ħal Qormi.
Fuq il-post, il-membri tal-Protezzjoni Ċivili wettqu operazzjoni delikata biex inħareġ il-Libjan mill-vann.
Fil-fatt kienu kostretti jqaċċtu s-saqaf tal-vann.
Fuq il-post issejħet l-għajnuna ta’ tim mediku, li aktar tard ħa lir-raġel l-isptar Mater Dei għal aktar kura.
