Żewġ persuni sfaw maqtula, u 11 oħra midruba wara sensiela ta’ sparaturi fi stabbiliment tad-divertiment f’Jacksonville, Florida, fl-Istati Uniti.
L-aggressur, David Katz ta’ 24 sena minn Baltimore, qatel lilu nnifsu fuq il-post. Sorsi qalu lill-midja barranija li dan fetaħ in-nar fuq il-folla wara li tilef logħba virtwali.
Dan l-attakk huwa biss wieħed minn sensiela ta’ attakki b’arma tan-nar fl-aħħar snin fi Florida, inkluż l-isparaturi fl-istabbiliment Pulse f’Orlando fl-2016 li ħalla 49 persuna mejta, u attakk fuq skola f’Parkland fi Frar li għadda, li fih mietu 17-il persuna.
This is the moment shots were fired at a video game tournament in Jacksonville, Florida
The event was being live streamed on Twitch pic.twitter.com/5mab4XXMbo
— Edward Hardy (@EdwardTHardy) August 26, 2018
L-attakk seħħ waqt sensiela ta’ kompetizzjonijiet tal-logħob virtwali f’ The Jacksonville Landing, stabbiliment popolari għal-logħob u d-divertiment.
Għexieren ta’ persuni oħra qed jingħataw il-kura fi sptar fil-viċinanzi, u l-Pulizija qed tħeġġeġ lil kulħadd, inkluż membri tal-midja biex jevitaw iż-żona.
Fuq Twitter, il-Pulizija ta’ Jacksonville qalet li l-persuna maħsuba li kienet il-moħħ wara dan l-attakk sfat maqtula, iżda għadu mhux magħruf jekk hemm xi suspettati oħra.
Il-Pulizija għadha qed tfittex diversi persuni li sabu kenn fl-istabbiliment waqt l-attakk.
**IMPORTANT** If you are hiding in The Landing. Call 911 so we can get to you. #TheLandingMassShooting https://t.co/qBJvkaO7xT
— Jax Sheriff’s Office (@JSOPIO) August 26, 2018
