ABBA fil-quċċata tal-klassifiċi, bl-ewwel album tagħhom wara kważi 40 sena

B’bejgħ ta’ aktar minn mitejn elf kopja fl-ewwel ġimgħa, l-album il-ġdid ta’ ABBA wara kważi 40 sena, spara fil-quċċata tal-klassifiċi internazzjonali.

Minkejja l-kummenti differenti li dan l-album qed jirċievi, min jogħġbu u min le, il-fatti juru li l-album sar ukoll l-aktar album ta’ bejgħ s’issa f’din is-sena.

Fl-aħħar għaxar snin, tliet artisti oħra biss qabżu l-200,000 bejgħ fl-ewwel seba’ t’ijiem. Dawn huma ‘25‘ ta’ Adele, ‘Divide‘ ta’ Ed Sheeran u ‘Midnight Memories‘ ta’ One Direction.