L-Embassy se tinbidel f’lukanda ta’ 4 stilel bi 82 kamra

Parti mill-kumpless tal-Embassy fil-Belt Valletta se jinbidel f’lukanda ta’ 4 stilel. Il-lukdanda se jkollha 82 kamra.

Bħalissa fil-kumpless hemm ħwienet u ċinema; bid-disinn prinċipali tal-binja mistenni jibqa’ simili għal dak li hemm illum.

Is-sular ta’ fuq, li bħalissa jokkupa s-swali taċ-ċinema, se jinbidel f’żona għall-kolazzjon, bar b’siġġijiet fuq ġewwa u fuq barra, u pixxina. Post li se jkun ta’ lok għal xeni spettakolari tal-Belt Valletta u l-portijiet tal-madwar.

Kelliem għall-kumpanija qal li t-tmexxija għandha l-pjan li żżomm is-swali taċ-ċinema f’sulari oħra tal-kumpless.